Rusian Salad Ghar Myn Bnany Ka Asan Tareeka

چھٹی والے دن پر تکلف کھانے بنانا تو ہمیشہ سے خواتین کا وطیرہ رہا ہے اور خواتین اپنے اس فرض کو بخوبی نبھاتی ہیں لیکن کیا ہی اچھا ہواگرآپ کھانے کےساتھ کچھ ایسا بھی بنالین جو کہ عموماً گھروں کے دسترخوان کی زینت نہیں ہوتا بلکہ صرف تقریبات میں ہی میسر آتا ہے۔ یقیناً آپ کے اہل ِ خانہ آپ کی صلاحیتوں کے گرویدہ ہوجائیں گے۔ اسی لئے آج ہم لائیں آپ کے لئے رشین سلاد بنانے کی آسان ترکیب۔

اجزاء

---

سیب ———————– دو سے تین عدد درمیانے
انناس کے چھوٹے ٹکڑے —— ایک پیالی
آلو ————————- دو سے تین عدد
گاجر ———————– دو عدد درمیانی
مٹر کے دانے ————— ایک پیالی
نمک ———————– حسب ذائقہ
سفید مرچ پسی ہوئی ———- ایک چائے کا چمج
چینی ———————– ایک کھانے کا چمچ
لیموں کا رس —————- دو کھانے کا چمچ
مایونیز ——————— ایک پیالی
فریش کریم —————– آدھی پیالی

مایونیز کے اجزاﺀ

---

انڈوں کی زردی ————-  دو عدد
نمک ———————– ایک چوتھائی چائے کا چمچ
سفید مرچ پسی ہوئی ———- آدھا چائے کا چمچ
پسی ہوئی رائی ————– آدھا چائے کا چمچ
جینی ———————- ایک چائے کا چمچ
سرکہ یا لیموں کا رس ——- دو کھانے کے چمچ
کوکنگ آئل —————- ایک پیالی

ترکیب

---

مایونیز بنانے کے لیے صاف اور خشک پیالے میں نمک٬ سفید مرچ٬ چینی اور پسی ہوئی رائی کو انڈے کی زردیوں کے ساتھ ہلکا سا پھینٹ لیں اورمستقل پھینٹتے ہوئے تھوڑا تھوڑا کوکنگ آئل ڈالتے جائیں۔ آخر میں سرکہ ڈال کراتنی دیرپھینٹیں کہ آمیزہ اچھی طرح گاڑھا ہوجائے٬ لیجئے جناب مایونیزتیار ہے کچھ دیر فریج رکھ دیں۔

اب تمام پھلوں اور سبزیوں کو ایک سائز کے چھوٹے چوکور ٹکڑوں میں کاٹ لیں۔

ایک لیٹر ابلتے ہوئے پانی میں سبزیوں کو علیحدہ علیحدہ تیزآنچ پرتین سے پانچ منٹ تک ابالیں اورگرم پانی سے نکال کران پر ٹھنڈا پانی بہا دیں۔

اس کے بعد پھلوں اور سبزیوں کو ملا کر ان میں لیموں کا رس٬ نمک٬ سفید مرچ اور چینی شامل کریں اورفریش کریم کو پھینٹ کرمایونیزمیں ملائیں اورمکس پھلوں اورسبزیوں پرانڈیل کراچھی طرح ملالیں۔

آپ کے دسترخوان کی شان بنانے بڑھانے کے لئے خوش ذائقہ اور دل فریب رشین سلاد تیارہے اب اسے فریج میں رکھ کرخوب اچھی طرح ٹھنڈا کرلیں اور پھراہل خانہ کے سامنے پیش کریں۔